Archive

Posts Tagged ‘media’

Օրիգինալ լրագրություն. ինչպես պատրաստել ինքնատիպ նյութեր

June 27, 2011 Leave a comment

Ցանկացած լրագրող ձգտում է պատրաստել իր նյութն այնպես, որ այն հնչի ինքնատիպ և նորովի: Ինքնատիպությունը գալիս է փորձի հետ: Սակայն ինչպես շատերն են ենթադրում, ինքնատիպ նյութ ստեղծելն ավելի ու ավելի բարդ գործ է դառնում:

Այսօր լրագրողների կատարած աշխատանքի ծավալն ավելի մեծ է, քան մի քանի տարի առաջ: Զարմանալի չէ, որ այդ ահռելի աշխատանքի ծավալի պատճառով այնպիտի տպավորություն է ստեղծվում, որ ավելի շատ ժամանակ է ծախսվում նյութի մշակման, այլ ոչ դրա փնտրման վրա: Բացի այդ տեղեկատվության (ե ապատեղեկատվության) մեծ քանակությունը, որը կարելի է գտնել համացանցում, շատ հաճախ պարզապես փակուղի է բերում:

Ինքնատիպությունը ժամանակ, մեծ ջանք և մշտականա պրակտիկա է պահանջում: Պատրաստ եղեք, որ ստիպված եք լինելու նորովի մտածել և, հնարավոր է, հրաժարվել մի շարք սովորություններից: Ընտրությունը Ձերն է:

BBC-ի բազմաթիվ թղթակիցներ, պրոդյուսերներ և խմբագիրներ ասում են նույն բանը. լրագրողի համար ամենակարևորը հետաքրքրասիրությունն է: Եթե բավականաչափ հետաքրքրասեր չեք, լավ լրագրող Դուք չեք դառնա:

Նրանցից մեկն, օրինակ, աշխատել է մի խմբագրի հետ, որը «կարող էր 500 մետր տարածության վրա ավելի շատ հետաքրքիր նյութ գտնել, քան որևէ այլ լրագրող: Կարելի է հայտնել փողոցի աղբի, կանգառների, խցանումների, նոր մեքենաների քանակի, մարդկանց, որոնք ծխում են սրճարաններում, որովհետև նրանց արգելել են ծխել աշխատանքի վայրում, նոր խանութների բացման/փակման, անօթևանների, շինարարարությունների և շատ ու շատ այլ բաների մասին»: Եվ իսկապես, քանի՞ անգամ ենք անցել որևէ շինարարության կողքով և չենք մտածել, թե ինչ են այնտեղ կառուցում:

Մեկ այլ լրագրող գտնում է, որ պետք է այնքան հետաքրքրասեր լինել, որ «սպիտակ պատ տեսնելով՝ հետաքրքրվել, թե ինչո՞ւ է այն սպիտակ»:

Ինչպե՞ս զարգացնել հետաքրքրասիրությունը: Միայն գործնական աշխատանքներով: Եթե զրուցում եք Ձեր ընկերոջ հետ, թերթ կամ ամսագիր եք կարդում կամ պարզապես փողոցում ինչ-որ բան եք տեսել, միշտ հարցրեք «ինչո՞ւ»: Փորձեք ինքներդ Ձեզ տալ բոլոր հնարավոր հարցերը, որոնք առաջանում են, երբ որևէ բան եք տեսել, լսել կամ կարդացել: Կարելի է մարզվել թերթերի կարճ նորությունների բաժնի վրա: Գտեք ամենասակավաբառ հոդվածը, ուշադիր կարդացեք այն և տվեք այն հարցերը, որոնց պատասխանները հոդվածում չկան:

Սովորեք անմիջապես արձագանքել ստացված տեղեկատվությանը: Ո՞րն է Ձեր առաջին ռեակցիան: Ինչի՞ մասին մտածեցիք սկզբից: Արդյո՞ք նույն կերպ կմտածեն ուրիշները: Մարզվեք անընդմեջ և ամենուր: Շատ հնարավոր է, որ Դուք կնկատեք մի կարևոր տարր, որն ուրիշները չեն նկատել:

Ահա, թե ինչ է մտածում այս առիթով BBC2 հեռուստաալիքի Newsnight ծրագրի հաղորդավար Մայքլ Քրիկը. «Ամեն օր, երբ Դուք խմբագրում եք Ձեր նյութը, հարցրեք ինքներդ Ձեզ՝ կարո՞ղ եմ արդյոք ինչ-որ բան ավելացնել, որ այն դառնա ավելի ինքնատիպ»:

Լրագրողի մտածելակերպ ձեռք բերելու համար պարտադիր չէ հատուկ հմտություններ ունենալ: Պարզապես հետաքրքրվեք ամենինչով: Եղե՛ք հետաքրքրասեր:

Աղբյուր: JNews.am

Advertisements

Coming Soon… Came Already!

April 17, 2011 Leave a comment

OPENING TODAY!

Welcome everybody! I have just returned from JFF camp in Aghveran, Armenia where I got certified that I already know something about new media and blogging, and I’m inspired and full of strength to start a blog. THIS BLOG.

So, let’s consider the opening party finished and the work started. Wish me good luck :D.

%d bloggers like this: